बुधबार, कार्तिक ५, २०७७ | Wednesday 21st October 2020
जोडिनुहोस
  • गृहपृष्‍ठ
  • स्याङ्जा सेरोफेरो
  • पुतलीबजारका जनप्रतिनिधीद्धारा ‘६ लाख’ राहातकोषमा जम्मा
स्याङ्जा सेरोफेरो

पुतलीबजारका जनप्रतिनिधीद्धारा ‘६ लाख’ राहातकोषमा जम्मा

  • स्याङ्जा सेरोफेरो बिहिबार, अशोज ८, २०७७ | September 24, 2020

रोशन लामिछाने, स्याङ्जा :

स्याङजा सदरमुकाम पुतलीबजारमा रहेका पुतलीबजार नगरपालिकाका जनप्रतिनिधीहरुले नगरपालिकाद्धारा संचालीत कोराना राहातकोषमा ६ लाख ४० हजार २ सय ५० रुपैया जम्मा गरेका छन् । कोरोना न्यूनिकरण गर्न सहयोग पुग्ने बताउदै पुतलीबजारका जनप्रतिनिधीहरुले उक्त रकम जम्मा गरेका हुन् ।

पुतलीबजार नगरपालिकाका ७३ जना जनप्रतिनिधीहरुले आफुले पाउने मासिक सेवा सुविधाबाट आधा रकम सहयोग गरेका नगरपालिकाका प्रवक्ता ख्यामनारायण अधिकारीले जानकारी दिए । नगर प्रवक्ता अधिकारीले जनप्रतिधिनीहरुको ठुलो सहयोग रहेको बताउदै कोरोना नियन्त्रण गर्न सहयोग पुग्ने बताए ।

जनप्रतिनिधीहरुले गरेको आर्थिक सहयोग नियम अनुसार कोरोना नियन्त्रणमा खर्च हुने प्रमुख प्रशासकीय अधिकृत डोलराज ढकालले बताए । सहयोगको दुरुपयोग नहुने प्रतिवद्धता जनाउदै ढकालले आर्थिक तथा नैतिक सहयोग गरेकोमा जनप्रतिनिधीहरुलाई धन्यवाद ज्ञापन गरे ।

राहतकोषमा नगरप्रमुख सिमाकुमारी क्षेत्रीले २० हजार २ सय ५०, उपप्रमुख महेश पुरीले २३ हजार ५ सय, नगरापालिका भित्र रहेका १४ वटा वडा अक्षध्यहरुले प्रति व्यक्ती १३ हजार र ७ जना कार्यपालिका सदस्यहरुले प्रति व्यक्ती ११ हजार रुपैया नगद सहयोग गरेका हुन् । त्यसैगरी ५० जना सबै प्रकारका वडा सदस्यहरुले प्रति व्यक्ती ६ हजार ७ सय ५० रुपैया सहयोग गरेका हुन ।

आवश्यक परेको खण्डमा अझै आर्थिक सहयोग गर्ने जानकारी दिदै नगरप्रमुख सिमाकुमारी क्षेत्रीले एक्लैले मात्रै केही गर्न नसकीने बताई । गन्तव्यमा पुग्न सवैको सहयोग आवश्यक पर्ने बताउदै नगरप्रमुख क्षेत्रीले नमुना नगरपालीका बनाउन सबैले रचनात्मक सहयोग गर्नुपर्ने धारणा व्यक्त गरिन् ।

 

फेसबुक प्रतिक्रियाहरु