• गृहपृष्‍ठ
  • समाचार
  • मंगलबार देखि लागू हुनेगरी चार दिनका लागि विद्यालय बन्द गर्ने
समाचार

मंगलबार देखि लागू हुनेगरी चार दिनका लागि विद्यालय बन्द गर्ने

  • चन्दन केसी सोमवार, चैत्र १६, २०७७ | March 29, 2021

काठमाडौं : देशभर बढ्दो वायु प्रदूषणका कारण सरकारले  विद्यालय बन्द गर्ने निर्णय गरेको छ।

 

 

मंगलबार देखि लागू हुनेगरी चार दिनका लागि विद्यालय बन्द गर्ने निर्णय गरिएको हो। शिक्षा , विज्ञान तथा प्रविधि मन्त्री कृष्णगोपाल श्रेष्ठको अध्यक्षतामा मन्त्रालयमा बसेको आकस्मिक बैठकले सम्पूर्ण शिक्षण संस्था बन्द गर्ने निर्णय गरेको हो ।

बैठकमा बोल्दै मन्त्री श्रेष्ठले वायुमण्डलमा देखिएको मौसम प्रतिकूलताका कारण शिक्षण संस्था बन्द गर्नुपरेको जानकारी दिए।  बैठकमा शिक्षा सचिव रामप्रसाद थपलिया, विज्ञान सचिव डा. सञ्जय शर्मा, मन्त्रालयका प्रवक्ता एवं सहसचिव दीपक शर्मा, सहसचिव डा.हरी लम्साल, शिक्षा, तथा मानव श्रोत विकास केन्द्रका महानिर्देशक वैकुण्ठ अर्याललगायतको उपस्थिति रहेको थियो ।

बैठकअघि मन्त्री श्रेष्ठले प्रधानमन्त्री केपी शर्मा ओलीसँग यस विषयमा परामर्श गरेका थिए। अब विद्यालयहरु आइतबार मात्रै खुल्नेछन्। केही दिनदेखि काठमाडौं उपत्यकासहित देशैभरका शहरमा वायु प्रदूषण अत्यधिक बढेको छ।

फेसबुक प्रतिक्रियाहरु